Ceulx qui au ciel furent pieça receuz
Par vertu vive et gestes heroicques,
Voyant renaistre au monde euvres antiques
Et vœuz divins en cœurs mortelz conceuz,
Ont pensé n'estre amoindris ny deceuz
Si, honnorant les spectacles publiques
Du Regnateur des fortz peuples celtiques,
En terre estoint de rechef apperceuz.
Cella a faict que Rugier demy dieu
Avec sa seur sont venuz en ce lieu
Pour y dresser agreable entreprise,
Non moins contens qu'esbahyz d'y trouver
(Ce qu'aultre part on ne peult esprouver)
Plus d'un Rugier et plus d'une Marphise.
Mellin de Saint-Gelais
Découvrez mes poèmes originaux grâce au service Poésie Postale, ou en me suivant sur sur Instagram, YouTube et Tiktok.

Cliquez ci-dessous pour découvrir un poème au hasard.